ترانگے تئی زُرت اَندر بَست ما۔ شائر: میر ساگر
دستونک
میر ساگر
میر ساگر
ترانگے تئی زُرت اَندر بَست ما
اَبجد ءِ ڈَکّے جَت ءُ دَر بَست ما
اَنترے اسمے بَلاھیں بَست بِی ؟
شاہ ءِ فرمان اَت قَلندر بَست ما
چابُکے زرد ءَ جَت ءُ غم توس اِت اَنت
اَژ مُژاں دَر کپت لَشکر ‘ بَست ما
شاعری نُھ گَڈّگی لئیبے نہ اِنت
پُر جَت اَنت رَند ءَ اے کاپَر بَست ما
باھڑ ءَ بَگّانی کُڑدغ کُوکُو اِنت
بَنگو ءَ ڈَس دئے کہ چاکر بَست ما
نِی نہ اِسمے رَؤ نہ جسمے گار بِی
چے طلسمے میر ساگر بَست ما