ڈپریشن ءِ نادراھیں مردمانی کمک چون کنگ بیت؟
ڈپریشن ءِ نادراھیں مردمانی کمک چون کنگ بیت؟
اولی بھر
نبشتہ کار: منزہ انوار
رجانک: اکرم ارس
ھمک روچی کاراں چہ بے واک بوھگ، ملوری، بیزاری، دلوارگ بوھگ، بے کراری ءُ بے وسی ڈپریشن ءِ نشانی بوت کن انت
”اے تئی وھم انت“ پریشانی ءِ ھچ گپ نیست شادان بہ ببو تو گھتری سما کن ئے،
اے گپ بوت کنت اے ” زیابیطس“ ءِ نادراہ ءَ گوشدارگ نہ کپ انت بلے مجگی نادراھی ءِ کہ گپ بیت مئے چاگرد ءَ مردم اجبیں شور ءُ سلاہ دے انت
بازاری مردماں یل کن باز وھد ءَ ھما الاج کنوک “ڈاکٹر“ انچیں گپ کن انت نادراہ نہ زانت من بہ گریواں یا بہ کنداں
باز وھد ءَ ڈاکٹر ھم ستک دارگ ءُ نماز وانگ ءِ شور ءُ سلاہ ءَ دے انت نادراہ ءَ چہ وتی سرا گوازین انت
تب زانتانی گشگ ءِ رد ءَ ڈپریشن ھرکس ءَ بوت کنت اگاں ھمک روچی کاراں دل نہ پرمائیت، تو سک ملور ئے، دلپروش ئے یا بیزار ئے یا دلوارگ ئے بے آرام ءُ بے وس ئے بوت کنت کہ تو ڈپریشن ئے ھرجان ئے،
چوناھا باز مردم اے گپ ءَ نہ من ایت ڈپریشن ھم یک سرجمیں نادراھی یے،
ڈپریشن ءِ ایدگہ نشانی واب نہ کپگ، ورگاں دل نیاھگ، وزن ءِ کم بوھگ، پیسلہ کنگ ءِ ھاٹیگ ھلاس بوھگ ءُ دلگوش نہ دیگ ءُ بے ھال بوھگ ءِ وڑیں جیڑہ ھم ھوار انت ءُ ڈپریشن ءِ ھرجانیں مردم جوانیں رنگے ءَ وتکشی ءِ بابت ءَ جیڑ انت
اگاں اے مارشت دیراں تاں بہ مان ایت انسان تاں زندگی ءَ چہ بیزاری سما کنت، میڈیکل زبان ءَ ایشی ءَ ”کلینیکل ڈپریشن“ گوش انت
ایشی ءَ چہ ابید تب زانتانی گشگ انت کجالوک ءُ سر درد ءُ میدہ ءِ ھرابی ساہ کشگ ءِ جیڑہ دگہ انچیں مشکل ھست انت آیاں گوں اے نادراھی ءَ ھچ نزیکی نیست
روان انت………..