ڈپریشن ءِ نادراھیں مردم۔۔۔ دومی بھر۔ رجانکار: اکرم ارس
ڈپریشن ءِ نادراھیں مردمانی کمک چون کنگ بیت؟
دومی بھر
نبشتہ کار: منزہ انوار
رجانک: اکرم ارس
ڈپریشن چونی ءَ بیت؟
کراچی ءَ آغا خان میڈیکل یونیورسٹی ءَ چہ سیادی داروکیں تب زانتیں پروپیسر ڈاکٹر مراد موسی ھان ءِ رد ءَ گیشتر مجگی نادراھی ءِ سبب ھاندانی نادراھی ءُ مردمانی چپ ءُ چاگرد ءِ جاورانی سبب ھم بوت کنت.
آئی گشگ ءِ رد ءَ اگاں تئی برات، گھار یا مات پت ءَ یا دگہ کجام ھم سیادے ڈپریشن ءِ نادراہ بہ بیت امیت ھست کہ ترا ھم بہ بیت.
مجگی نادراھی ءِ الاج ءِ واستا شور ءُ سلاہ کنگ ءِ مانا ایش نہ انت کہ کسے گنوک انت.
ایشی ءَ چہ ابید اگاں مالی جاور ءُ چپ ءُ چاگرد ءِ جاور کہ ناساز بہ بنت اے ھم مجگی ازیت ءُ رنجانی سبب جوڑ بوت کنت، ھمے سبب ءَ ھم باز مردم “ڈپریس” سما کت کنت،
آئی ءِ گشگ انت اے نادراھی ھما مردمانی سرا اسر دور دنت کہ نہ چٹوکیں نادراھیانی دیمپان انت چش کہ کینسر، دل ءِ نادراھی یا دگہ انچیں داھمی نادراھی ءِ ھرجان انت،
ڈپریشن تئی ھمک روچی ئیں کارانی سرا ھم سان دور دنت، بسترانی سرا پاد آیگ واک نہ کنت یا گوں مردماں نند ءُ گند کنگ ءَ ترس ئے
ڈاکٹر مراد موسی خان ءِ گشگ انت “بلڈپریشر” ءُ ایدگہ نادراھیانی ھاترا کارمرز بوکیں درمان ھم ڈپریشن ءِ گیش کپگ ءِ سبب جوڑ بوت کنت باز مردم “اسٹرائیڈز” (یک دروشمے ءِ درمانے) کارمرز کن انت آیانی تب بدل بیت باز مردم ایشی ءِ سبب ءَ گل ءُ شادانی سما کنت بلے باز مردم ڈپریشن ءِ ھم ھرجان بیت.
ڈپریشن ءِ الاج چے پیم کنگ بیت؟
تب زانتیں ڈاکٹر علی ھاشمی ءِ گشگ انت اگاں ڈپریشن ءِ اسر گیش نہ انت ءُ تو بازیں جنجالانی دیمپان نئے اے جاوراں تو وتی وردن ءَ جوان بہ کن، وتی واب ءَ سرجم کن ءُ ھر وھد ءَ ورزش بہ کن وتا رکینت کن ئے
اگاں ڈپریشن اسر ھمنچو گیش انت تئی ھمک روچی ئیں کارانی سرا اسر کپگ ءَ انت، گس ءِ مردم یا دوست ءُ سنگت ءُ کش ءُ کر ءِ مردم گشگ ءَ انت تئی اندر ءَ زاھری دروشم ءَ بدلی یے اتکگ گڑا ترا یک شریں تب زانتے گورا رؤگی انت کُمک زورگی انت
آئی گشگ انت تئی جیڑہ ءِ گیش ءُ گیوار ءَ تب زانتے، (Psychiatry) یا “تھراپسٹے” کت کنت
“سائیکالوجسٹ” چوناھا “سائیکوتھراپی”، یا سائیکالوجکل گپ ءُ ھبر تئی الاج ءَ کنت، سائیکٹیرسٹ چندے ٹیسٹانی کنگ ءَ پد درمان دنت، چوناھا دوئینانی تہ ءَ یک الاجے بیت یا دوئیں یکجاہ کنگ ھم بنت.
روان انت…….