ھمے درداں وتی اندر ءَ بہ مار۔ اکرم ارس
ھمے درداں وتی اندر ءَ بہ مار
اکرم ارس
ھر وھد ءَ وتکشی ءِ ویلے بیت ما بس ھمے اشکناں کہ پلانا ھند ءَ بلوچ زھگے ءَ وتکشی کتگ
تو یک دمانے ھما وتکشی کنوک وتا بہ لیک ھمے ساھتاں بہ جیڑ کہ آئی جیڑاتگ
ھمے ساھت آئی ساد برزا بستگ وتی زندمان ءِ ھلاس کنگ ءَ سرگیپتگ آ کجام جیڑہ بوتگ آ چہ زند ءَ سرگوستگ آ اے ساھت ءَ چے جیڑگ ءَ بوتگ کدی تو درائیں مارشت وتی اندر ءَ مارگ ءِ جھد کتگ انت کدی تو وتا ھمائی جاہ ءَ آؤرتگ ءُ جیڑاتگ؟؟؟
اسل ءَ ما بس پیشداریں یا ھال دے انت کہ پلانی ءِ زھگ ءَ وتا کشتگ باز جاہ ءَ مردم کند انت کہ آ گنوکے بوتگ وتکشی ءِ کتگ
ھیران بیت مردم!!!
اے اھد ءِ مردمانی دومی دردانی مارگ سنچ ھلاس بوتگ کسے ءِ مرگ ءَ کندایت جندم چہ دردواری ءَ
باز کس ھست رھگوزی اِٹ ڈے یے کنت جنّت ءِ رؤگ ءِ دوا ءَ لوٹیت جیڑہ اٹ ڈے یے ھلاس نہ بیت یا جیڑہ جنت رؤگ نہ انت بلکیں ھمے جیڑھانی بابت ءَ جیڑگ انت ھمے درد وتی باتن ءَ مارگی انت بلے کے ماریت
یار!!! زنددمان ستر بد ھال بہ بیت وتی ساہ ءِ گرگ ارزان نہ انت یکے کہ ساہ ءَ گیپت بلاھیں گم انت آ باریں ھمے ساھت ءَ ھمے جیڑگ ءَ بیت پہ من ءَ زندمان ھچ پش نہ کپتگ
ھچ پش نہ کپتگ!!! اے بلکیں سئے لبز انت چوناھا بلے ھمے پش نہ کپگ ئے ھیال ءَ کسے پہ وت بہ جیڑ ایت تاں زانت درد چی یے زندمان چنچو گران انت