راجدپتر-ھراسان ءُ مکران۔ ساسانی دور۔ رجانکار: عبداللہ میر۔پنچمی بھر
راجدپتر-ھراسان ءُ مکران
ساسانی دَور
کتاب مکران {حمید بلوچ}
رجانکار:عبدالله میر
پنچمی بھر- {5}
اردشیر ءِ مستریں سیاسی مول تیاب ءُ زِر ءِ سر ءَ بادشاھی کنگ اَت آئی ءَ گڈی دور ءَ زروان اَرب ءِ دمگ یمن ءَ تک شتگ چشکہ یمن آئی ءِ وتی وھد ءَ دست گیر نہ کرتگ اَت شہ آئی پد آئی ءِ چک ءَ شاہ پور اول ءَ وتی دَور ءَ سرجم ءَ گپتگ آئی ءِ مستریں جھد ھمیش بوتگ کہ ایران ءِ زِر باری نیمگ ءِ تمامیں دریائی ھند ءُ دمگاں چشکہ مکران ءُ عمان ءِ تیاب دپانی مالک بہ باں اے ھم یاد کنگی انت کہ اے تیابی دمگانی سر ءَ رومن ھم ایشاں وتی کنگ ءِ جھد ءَ اَت چشکہ اے دمگ یک مزنیں دریائی کاروبار ءِ یک مزنیں مُزرویے اَت ساسانی ھکمرانانی بنداتی ھیال ھمے دمگ اِتاں کہ پارس ءُ ارب ءِ میانجی ءَ اے دریائی راہ آیانی بادشاھی ءِ یک مزنیں مول ءُ مرادے ات اے دریائی راہ ءِ سر ءَ آھاں بازیں جنگے ھم کرتگ ات جنگ مدائن ءَ آھاں اربانی دستاں پروش وارت چشکہ گوستگیں بھرانی تہ ءَ بیان کرتگ اَت. اے دور ءِ بابت ءَ پردوسی یے شاھنامہ ءُ کرنامک ایشی ءَ چہ باید “الطہری” تاریخ ابن اطہر ءُ الکامل تواریخ چشکہ بندر ءَ الطہری تاریخ ءِ بھر انت ایشی ءَ ابید دگہ بازیں نویسکاراں چشکہ نیایت العرب، فی النجار الفرس ونالعرب ھم اے رِد ءَ ھوار انت اے کتابانی تہ ءَ اردشیر ءِ تیاب دپی دمگانی ارش ءُ بیڑ ءِ کسہ ءُ داستان ھست انت اردشیر ءِ دَور ھکومتی ایشیا، افریقہ ءُ زروان روم ءِ دمگاں سوداگری ءِ راہ ءُ مسیر دریا ءَ چہ بوتگ ایشی ءَ چہ ابید یونانیانی دور ءِ ھکومتی ءَ مستریں سڑک شاھراہ ریشم زمینی سوداگری ءِ راہ ھندوستانی بادشاہ زروان ھند ءُ ھلیج پارس ءُ شام ءُ زروان اھمر راہ ءَ زرباری زروان نما ارب ءَ چہ بہ گر مسر ءَ تک اے سوداگری سرگرمیاں گوں دچار اتاں اے دریائی راہ سر ءَ روم ھم بازیں وھدے ءَ وتی چم جتگ اِتاں کہ کجام نہ کجام وھد ءَ اے راہ بہ گراں ءُ وتی بہ کناں بلے ساسانی بادشاھانی وھد ءَ روم وتی مکسد ءُ مول ءَ کامیاب نہ بوتگ اَت ۔ ۔ ۔ ۔
٭٭٭٭٭٭٭٭٭٭٭٭