راجدپتر-ھراسان ءُ مکران۔ ششمی بھر۔ رجانکار: عبداللہ میر
راجدپتر-ھراسان ءُ مکران
ساسانی دَور
کتاب مکران {حمید بلوچ}
رجانکار: عبدالله میر
ششمی بھر-
ایران ءِ ساسانی سرکار ءَ پہ جوانی زانتگ اَت کہ رومن ایمپائر ءَ زِر ءُ دریائی راھانی سر ءَ وتی نزر ایر کرتگ آئی چال ءُ مکراں پہ جوانی ءَ سرپد اَت شہ آئی ءَ پد اردشیر ءَ کرمان ءِ بادشاہ بالاش ءَ را پروش، داتگ ءُ شاپور ءُ اردشیر کّرا ءَ را اے ھلک ءُ دمگ وتی دست ءِ چیر ءَ کرت انت گڈ سر ءَ زروان رنگیں ارب ءِ دمگاں ھم وتی دسرس برجم کرت ۔ اردشیر ءِ زمانگ ءَمکران، کرمان ءُ سندھ ءِ بازیں دمگاں دیمروی کرتگ اَت اے دمگ سرجم ءَ اردشیر ءِ دست ءَ اَت بلے ھند ءُ دمگی سردار وتی رھبندانی سر ءَوت واجہ اِت انت بلے زر ءِ ءُ دریائی راھانی سر ءَ اردشیر ءِ ھکم ءِ منوگر اِت انت ابید چہ اردشیر ءِ ھکم ءِ پد ءَ دریائی راہ دگرانی واستہ بند اِت انت ساسانی سرکار ءَ مکران ءِ سر ءَ گیشتر وتی توجہ ایر کرتگ اَت چشکہ مکران ءِ تیاب ءُ زر سرجمیں دنیا ءِ راہ اَت ساسانی سرکار ءَ مکران ءِ دیمروی ءِ ھاتر ءَ نوکیں نوکیں شھر ءُ کوچک آباد کنگ ءِ جھد بندات کرت ءُ اولسر ءَ آئی ءَ کاریزات(کھن) جَت تاکہ کشت ءُ کشار بہ، بیت ءُ مھلوک آباد بہ بیت ملک سئید وتی کتاب ءِ تہ ءَ نبشتہ کنت کہ مکران ءَ (خسروی ءُ کاؤس) نامی کاریز (کھن) کہ آئی ءِ مستریں مکام تربت ءَ ایرانی دور ءِ ھاکماں جتگ شہ ایشی پد “گور بند – گبر بند “ھم آ دور ءِ یادگاریں کھن بوتگ انت
اردشیر ءَ وتی تاج وتی زھگ شاہ پور اول 272 میلادی ءَ سر ءَ دات شاہ پور اول ءَ 272 میلادی ءَ بہ گر دانکہ 241 میلادی ءَ پدا آوکیں ساسانی ھاکم بھرام پنجم 438 تانکہ 461 ءَ ھاکمی کرتگ پداآئی ءَ ھندوستان ءِ بادشاہ ءِ جنک گوما آروس کرت ءُ آرا دیبل ءِ شھر پہ جنین ئِے جھیز ءَ دیگ بیت اے شھر دیبل ھم سوداگرانی واستا یک مزنیں شھرے اِت ساسانیانی مکسد ھم ھندوستان ءِ سر ءَ اَت کہ آرا وتی بہ کن ایں “اے ھم اد ءَ یک جستے کہ دیبل ءِ شھر کج ءَ بوتگ!!! جی “دیبل ءِ بندن کراچی ءِ شھر ءَ چہ کمو گستہ کہ انی پورٹ کاسم انت کمو دیم ءَ بھمبور ءَ بوتگ اے شھر ءُ بندن یک زمانگے ءَ اربانی دست ءَ بوتگ
روان انت.