ھُدا گندئے زمین ءَ مئے۔ لچّہ کار: داد بلوچ شاشانی
لچّہ: ھُدا گندئے زمین ءَ مئے
لچّہ کار: داد بلوچ شاشانی
لچّہ کار: داد بلوچ شاشانی
ھُدا گندئے زمین ءَ مئے
اگاں تئی پہ ردی سر کَپت
پہ ارسان شاھگانیں یک تلاپے بیار
او ھاں من بیھال آں !
ھسیبا ءُ سیما ، ھاڈ کشان اَنت
ھزاراں گوں وت ءَ گریوانکیں پَلّوا بستگ
روچے یک دگے ءَ ارس ءِ جو تاچ اَنت
دگہ چنچو باریں چُنّت وڑیں کارست
ھمے ھوپ ءَ پہ نادلگوشی وتی امبازان مانپوشتگ
آ ھون ءِ کسہ ءَ یل کن
نہ میس اِتّگ داں تئی کونڈ ءِ پُل گُدین چیرگیج
تو وش واب بو
کُجا اِنت تئی گُلیں ھنکیں
دگہ کار نیست من ءَ پہ تو
ترا واب ءَ چَہ ٹوھین آں
کمو آپ پرّیچ آں
تئی نرمیں کمبلان آس ماندار آں
ترا روچ ءِ سر ءَ دار آں
تئی دیم ءِ رنگ چون بیت باریں
راست گپے من بیھال آں۔
اگاں اتکے ھیال ءَ گوں وت کن شَر
مہ بارت کسے ترا بیگواہ مہ کن ھمدا
نہ کنت کس پہ تو زھرشانی
پد ءَ تئی اکسے نیست مئے کِرا
اد ءَ گْواھی بدئے انگت نہ منّ اِیت کس
نہ بیت ھچ پہ ترا بے وس
ما سک نوں دَمبُرتگ