لچّہ : کماش کمبرؔو
لچّہ کار: شھید ڈاکٹر کمبر مبارک

گمی نیاں کہ روچ ایر بُک اِتگ
ابیتک باں برے برے
تو گشت رولہءِ سھتءَ
”منءَرا کمبرو بہ گُش”
آ وھد ءُ پاس کجا شُتاں
دلاں دوار بدل کت انت
بلے دلءِ بدل نہ بنت
نہ روچ راہءَ مٹ کنت
گمی نیاں کہ شپ دلءَ تھار کنت
مئے کندگاں گُبار کنت
چو دنزے ءِ وڑءَ ھمک ھیاتءَ ریک بارکنت
اناگہ ءَ پُل سرپنت
ماں آزمانءِ روکیں دامنءَ
تہ رُژنےءِ بدن سُریت
منءَ تئی ھیال کئیت
تو گُشتگ ات
“چو رولھی سھتءَ منءَرا کمبرؔو بہ گش”
گمی نہ باں
ابیتک باں برے برے
وتارا کمبرؔو گُشاں