مبارک قاضی ءِ لچہ مساپر
لچّہ : مساپر
شائر: مبارک قاضی
راه ءَ نزانت درد چہ رنگیں مساپرے
هر منزل اِنت روان وتی کشک ءِ پولگ ءَ
اِے زمانگ کجا رسیت
من جیڑگ آں باز
نہ ارسے نہ ترونگلے
دیگر کجام رولھہ ءِ دنزاں کِمار کنت
پاداں شمشتگ اَنت وتی بزبانی اِیں سواس
لِڈ ءِ رمگ مروچاں چو سُہر ءَ نہاد بیت
اِے لئیب باتن ءِ جگر ءَ آسیاب کنت
زرد ءَ کباب کنت
وهد ءَ شمُشت اَهد ءِ کدیمیں مساپرے
گمنامیں شائرے
دیگر مدام گوں راهگوزی مرگاں سوال کنت
قاضی کجا شُتگ
من چی گُشاں بُگش