فضل ھیات ءِ دستونک : ما مَہ گِنداتیں زھیراں گریوَگ ءَ
دستونک
فضل ھیات
فضل ھیات
ما مَہ گِنداتیں زھیراں گریوَگ ءَ
ناشَریں اَھد ءِ فقیراں گریوَگ ءَ
شانتُلی اے بِیدھاں دِلترک بیت
ھَردے کہ گندیت کھِیراں گریوَگ ءَ
من شُد ءَ سِنگے سِگندان ءَ کناں
لَنگڑیں گِنداں وزیراں گریوگ ءَ
کدّہ ءُ کیپانی تنّ ءِ چے بَسات
دیستگ اَنت ھِینزک گوں شیراں گریوگ ءَ
بیا دل ءِ درد ءُ زھیراں پَچ بِگر
من شَپاں بَڈول ءُ پیراں گریوَگ ءَ
جُرم ما تو ھور ءُ یکجاہ ءَ کُتہ
من فضل تھنا نہ زِیراں گریوَگ ءَ