گدار (تو زندئے دَروَر ئے) بانک زاھدہ رئیس راجی۔ نبشتہ کار: کدیر کرار
گدار (تو زندئے دَروَر ئے) بانک زاھدہ رئیس راجی
کدیر کرار
من انچو کہ “تو زندئے درور ئے” ءِ اولی دَر ونت من ءَ سما کپت کہ نبشتہ کار (بانک زاھدہ رئیس راجی) گوں مہران ءُ سمین ءَ شَرّ(انساپ) کَنگ ءَ نہ انت،
دومی در ءِ میان ءَ وھدے مہران گوں نازین ءَ سانگ ئِے دات، گڑا من جیڑگ ءَ لگ اتاں کہ سمین ءُ مہران ءِ گنا چی انت کہ بانک گوں آیاں نا انساپی کنگ ءَ انتءُ آیاں اینچُوکیں بلائیں سزاھے دیگ ءَ انت۔ نی منی یکین مھکم بیگ ءَ ات کہ نبشتہ کار بگندئے گوں درسیں کارستاں شَرّی کُت بکنت۔بلے گوں اے دوئیں کارست آں مشکل انت کہ شَرّی کُت بہ کنت۔
انچوش کہ من دیم ءَ وانان بیت آں۔من ماران کُت کہ بانک گوں جوانیں وڑے ءَ ھر کارست ءَ شَرّی کنان انت۔
من وانان وان ءَ داں آھری تاک دیم ءَ سربیتاں گڑا بانک ءَ گوں ھما دوئیں کارستاں (کہ من پھم اتگ ات کہ بانک ءَ گوں آیاں بلائیں نا انساپی یے کتگ نی مشکل گوں آیاں شَرّی کت بہ کنت۔ گوں سمین ءُ مہران ءَ) ھم جوانیں وڑے ءَ انساپ ئِے کُت۔۔۔۔۔!
گْوش انت کہ جوانیں کسہ نویس ھما انت کہ کسّہ ءِ گُڑّی ءَ گوں درائیں کارستاں شَرّی بزاں انساپ بکنت۔
بانک زاھدہ رئیس راجی ءَ وتی گدار “تو کہ زند ءِ درور ئے ” ءِ تَہ ءِ درائیں کارستاں گوں جوانیں وڑے ءَ انساپ کُتگ۔