لچّہ : من ءُ تو، لچّہ کار: منیر مومن
لچّہ : من ءُ تو
شائر: منیر مومن
شائر: منیر مومن
من ءُ تو
جند ءِ آس نہ سُتکیں وتی
روچے روچے سر ءَ
چو کہ استینے ءَ یک گُمانے گوزیت
(من ءُ تو مُرتگیں جنگیں )
مُرتگیں جنگل ءَ
ایوکیں درچکے ءِ دل دیوانگ بہ بیت
تہ بُہ جُنزیت کُجا؟
آکُجا رپت کنت؟
من ءُ تو
جند ءِ صورت نہ دیستہ وتی
جند ءِ لوگ ءَ نہ رپتیں وتی
کِشک پُر بوتگنت دیدگانی تہا
ہلک ءُ ہنکین آدینکے ءِ
دروگیں رُژنائ ءَ شہم اَتنت
شہم اَتنت ءُ مُجے ءِ تہا ایر شُت اَنت
گوات پُرسیت منا
نودرَپت اَنت کُجا……….؟
کانگڑو آزمان ءِ دَھنی بوتگنت
مارا مئے اندر ءِ
شانتلانی چڑکّہ اوں گوشاں نہ کپت
سد مُراد مُہربا
من ءُ تو
جند ءِ تُنّ ءَ مُرتیں وتی
مانہ بیں
دردباندا مئے پالاتگیں
چُنت تاس ءِ بُن ءَپیش کپیت
من ءُ تو
کہ مئے درد ءَ رودینتہ مئے
ایوکی ءِ بدن
من ءُ تو
جند ءِ تُنّ ءَ نہ مُرتیں وتئ
اے گم ءَ چون مِریں
ما کہ روچے نہ بیں
گوات بلکیں مئے ٹپاں
گوات الوت مہ کنت
ھور بلکیں مہ شودیت مئے لُوچیں تہنائ ءَ
من ءُ تو
جند ءِ آس ءَ نہ سُتکیں وتی
واجہ