اِسحاق خاموش ءِ پربند
ھیالاں نوکیں نوبتے ءُ واباں گردِشے بدنت
مئے دزنبشتہاں ھما حدیثی ارزِشے بدنت
پہ گِندُک ءُ گِدارے ءَ ما چینچو پندبُرّاِتگ
نوں منزل ئَ وتی بُگُش کہ مارا مانِشے بدنت
پہ چانُوئی دپارےءَوسانی دست لُکّ بنت
شِکم پلِیتیں مرُدماں زمین آچِشے بدنت
پہ چمّ نہ دیستیں مردُماں اے ماہ اوں گپّ ءُ تْران کنت
چہ درنَگیب ءَکئے اِشاں نُوںبُود ءُ کرزِشے بدنت
اے وھدءِ پاد نُوں گُشئے تپر کنگ بہ بنت اسحاقؔ!
تاں واھگانی دست ءِ دِل پہ چیزے ھارِشے بِدنت
اِسحاق خاموش