Difference of Conditional Negative Sentences (Between Jahlāwān and Sarāwān/Rakshān)
مَبِِیتارینی گالردانی دگری(جھلاوان ءُ سراوان\رکشان ءِ میان ءَ)
Difference of Conditional Negative Sentences (Between Jahlāwān and Sarāwān/Rakshān)
نبشتہ : اکرم آمِل
ماں بلوچی ءَ چشیں گالردانی لھتے درور: اگاں من مہ کُتین آں، اگاں تو مہ کُتیں، اگاں ما مہ کتیں، اگاں شما مہ کُتیں ءُ دگہ دگہ۔یا گُڑا “دْرِیگت\دْریگتیں” ءِ گال ما جن ایں کہ انگریزی Alas ءُ اردو “کاش” ءِ مانا ءَ دنت کہ “ماضی تمنائی” ھم گْوشگ بیت۔پہ درور دْریگتیں اے کار مہ بوتیں!
چوناھاں ایشی ءِ بیتارینی(Conditional affirmative) ءُ مَبیتارینی(Conditional negative) گالرد ھست اَنت بلے من اد ءَ براھوئی ءِ بابت ءَ گپ جنان آں دومی ءِ سر ءَ گپ جن آں کہ “مَبِیتارینی” یا Conditional negative اِنت۔
جھلاوان ءَ پر ایشی ءَ سئے رنگیں گالرد کا اَنت۔چش کہ “کروفیسَس” ، کَپّیسَس، کَپَّسَس”(آ مہ کُتیں)۔بروفیسُٹ، بَفیسُٹ، بَفَسُٹ(من مَیاتکیں)۔
خَلوفیسُن، خَلپیسُن، خَلپَسُن(ما مہ جتیں)۔ مروفیسُٹ، مَفیسُٹ، مَفَسُٹ(ما مہ بُوتیں)۔
بیتارینی ءَ ھم جھلاوان ءَ برے برے گال بدل بیت چش کہ “ہِنوسُٹ، کاسُٹ” من بِہ شُتیں، مروسُس، مَریسُس، بروسُس، بریسُس، خلوسُس، خلیسُس(تو بُوتیں، تو بیاتکیں، تو بہ جتیں)۔
سراوان ءُ رکشان ءَ برز ءِ نَھینی گالرد چش بنت : کپَّروسس، بفروسُٹ، خلپروسُن، مفروسُٹ۔
جھلاوان ءَ اِلّوفیسُس، اِلّیپیسُس(مہ اِشتیں) ءُ سراوان ءُ رکشان اِلپَروسُس۔یک لڑے پہ وانوکاں:
جھلاوان : رکشان\سروان(بلوچی)
خَنوفیسُٹ، خَنپیسُٹ، خَنپَسُٹ : خنپروسُٹ(من مہ دیستیں)
چوفیسُٹ، تِفیسُٹ، تِفَسُٹ : تِفَروسُٹ(من مہ داتیں)
کُنوفیسُٹ، کُنپیسُٹ، کُنپَسُٹ : کُنپروسُٹ(من مہ وارتیں)
پاروفیسَس، پاپیسَس، پاپَسَس : پاپروسس[آ (یک)] مہ گْوشتیں)
ہلوفیسُرے، ہَلپیسُرے، ہَلپَسُرے : ہَلپروسُرے(شما مہ گِپتیں)
خاچوفیسُر، خاچپیسُر، خاچپَسُر : خاچپروسُر[آ (باز) مہ وپتیں)]
توروفیسُس، توپیسُس، توپَسُس : توپروسُس(تَو مہ داشتیں)
چاؤفیسُس، تِپّیسُس، تِپَّسُس : تِپّروسُس( تَو مہ زانتیں)
تَھڑوفیسُرے، تَھڑپیسُرے، تھڑپَسُرے : تَڑپروسُرے(شما مہ بُرّتیں)
دَروفیسُس، دَپّیسُس، دَپَّسُس : دَپَّروسُس(تو مہ بُرتیں)
کھئوفیسُر، کَھسپیسُر، کَھسپَسُر : کَسپروسُر[آ (باز) مہ مُرتیں]
ہُروفیسَس، ہُپّیسَس، ہُپَّسَس : ہُپَّروسس( آ مہ چارتیں)
تِخوفیسُن، تِخپیسُن، تِخپَسُن : تِخپروسُن(ما ایر مہ کُتیں)
مَخوفیسُن، مَخَپیسُن، مَخَپَسُن : مَخپَروسُن(ما مہ کندتیں)
ابّیر\ابّور\ابّوئِہ تمّوفیسُس\تَمپیسُس\تمپَسُس : کاش نی تمپروسُس(دْریگتیں تو مہ کپتیں)
ءُ دگہ دگہ۔