دریگتیں اُمر به بیتیں مَلار ءِ رنگ ءَ۔ کریم تهل
دستونک
شائر: کریم تهل
دریگتیں اُمر به بیتیں مَلار ءِ رنگ ءَ
زندگی بوتیں تئی مهر و بهار ءِ سَنگ ءَ
دریگتیں واهگ به بوتیں تچوکیں اپسے
شیکگءَ هم به شدیت بیت کمار ءِ پَنگ ءَ
دریگتیں کئیپ و ملاراں په ببوتیں کَیلے
وهد آپریچے ،گوں سازاں و توارءِ چنگ ءَ
دریگتیں بوتیں سَمینے ،چو منی دلکشی
چو زباداں و دُناں ، مُشتیں یار ءِ تنگ ءَ
دریگتیں مهر و وپایانی به بوتیں شهرے
شاده ءِ چم بداتیں گروکے چو خمار ءِ بنگ ءَ
زندمان لج ءِ مئیار انت منی باندات په
دریگتیں تستیں دمے ، ڈیه ءِ میار ءِ جنگ ءَ
15.08.2022 .
متاک