سے سنگت۔ رجانکار : زاھدہ رئیس راجی
سے سنگت : رجانکار
زاھدہ رئیس راجی
یک رندے رسول اللہ صل اللہ ُ علیہ والہ وسلم ءَ گوں وتی صحابیاں یک پُربزانتیں کسہ یے جت۔
رسول اللہ ءَ گوں آھاں گوشت کہ ایک مردکے سک نادراہ بیت ءُ انچوش کپیت کہ مرگ ءَ نز سر بیت ۔ گُڑا آ چہ وتی یک دوستے ءَ را جُست کنت۔”
اے منی دوست ! تو پَہ من ءَ چہ اے گرانیں نوبت ءَ رکینگ ءَ چے کُت کنئے؟
آئ ءِ سنگت پسو دنت
” تاں تو زندگ ئے۔ من تئ ھذمت ءَ کناں بلے مرگ ءِ منی گورا ھچ درمان نیست بزاں من ترا ھچ دابیں کمکے کُت نہ کناں “
اے مردم ءَ پہ وتی کمک ءَ وتی دومی سنگت توار پر جت ءُ ھما گپ جُست ئِے کُت کہ اولیگیں سنگت ءَ کُتگ ات ئِے ۔
آئ ءَ دراھینت:۔
” من پہ ترا ھمنچو کُت کناں کہ وھدے تو بیران بہ بئے من ترا شودگ ءَ سواب ءَ رند وشیں بُو جناں ء ُ کل کناں۔ “
اے مردک گوں بے تائیریں دلے ءَ وتی سیمی سنگت ءَ توار پر جنت ءُ اے سکّ ءِ ساھت ءَ کمک کنگ ءِ گوشیت گُڑا آ پسوئِے دنت
من تئ مرگ ءَ رند ھم تئ ھمراہ آں ۔ کبر ءَ ھم گوں تو اور بئیاں ءُ مھشر ءِ میدان ءَ ھم پہ تئ جست پُرس ءَ تئ کش ءَ اوشتاں ءُ دائم ءَ ترا گوں ھور باں۔
اے کسہ گوشگ ءَ رند واجہ رسول اللہ صل اللہ گوں وتی اصحاباں گوشت:۔
”شما زانئے اے سئیں سنگت کئے انت؟
اولی ءِ نام ” مال “ انت، دوئمی ءِ نام ”عیال “ بزاں سیاد مردم انت ءُ سیمی ءِ نام ”اعمال “ انت کہ دائم ءَ انسان ءِ ھمراہ بیت انت ۔
ھلاس