شپ ءِ گُبار ءَ نوں اُمرے گوستگ نہ بوہگی اِنت۔ عارف شھم
دستونک
شائر: عارف شھم
شپ ءِ گُبار ءَ نوں اُمرے گوستگ نہ بوہگی اِنت
شائر: عارف شھم
شپ ءِ گُبار ءَ نوں اُمرے گوستگ نہ بوہگی اِنت
گـمانی ھـار ءَ نوں اُمرے گوستگ نہ بوہگی اِنت
ناں ھور ءُ جمبر ناں بَّش ءُ ساہیل زمانگے بیت
گُشئے بھار ءَ نوں اُمرے گوستگ نہ بوہگی اِنت
اَبیتک اَبیتک اَنت اے دمک ءُ میتگ ءُ ماہِکانی
تئـی ودار ءَ نوں اُمرے گوستگ نہ بوہگی اِنت
شپ اِنت ءُ کوراسی ءَ جھانی یے چم بند اَنت
کہ بامسار ءَ نوں اُمرے گوستگ نہ بوہگی اِنت
اے بیل ءُ نیم بیلے زندگی اِنت شمُوش ما را
گم ءِ ھسار ءَ نوں اُمرے گوستگ نہ بوہگی اِنت
تئی شوھاز ءَ ترا نوں دیر اِنت کجائے عارف
تئی درد وارءَ نوں اُمرے گوستگ نہ بوہگی اِنت