آزگاں گُلگُلیں چمّ ھونین اَنت۔ مجید عاجز
موتک
دستونک ۔۔۔۔۔۔۔ مجید عاجز
دستونک ۔۔۔۔۔۔۔ مجید عاجز
آزگاں گُلگُلیں چمّ ھونین اَنت
ارس لیکّاریں کَلم ھونین اَنت
چاریں چاگرداں بہ جنزاں ہر جاہ
کشک کاٹار اَنت ، کَدم ھونین اَنت
پُکّیاں پیئم نہ بنت کادیں ٹپّ
زیم اَنت پَٹّی ءُ مَلَم ھونین اَنت
کودکیں واب شھید اَنت چمّاں
ارسیں گْوارِشتاں مہ تَم ھونین اَنت
لیلویں لیلے نہ نال اَنت بُلبُل
موتک ہیسکارگیں غم ھونین اَنت