“اماراتءِ زندان” دومی بہر ۔جمیل آبد
سرگوست
“اماراتءِ زندان” دومی بہر
جمیل آبد
مہ پولیس اسٹیشن ءَ سر بوتیں “شرطه”ءَ گوں بازیں منتءُ پریادے کُت ما گریباں مہ ردی یے کُتگ مارا یکیں رنداں بہ بکش یے مارا توبہ انت دگہ رندے چش نکنئے، مئے ارباب ءَ هال سر ببیت مارا کیسنل کن انت عربیءِ تہا همے هبر کتاں مہ باز پریاد کُت. گُڑاں پولیس والایاں مارا دلبڈی دات ھئیر بیت. مارا باز جُست پد ءَ رند دگہ گاڈی یے ءَ سوار ایش کُت . بُرت ایش اسپتال ءَ مئے میڈکل بوت مئے ھون ایش کشتاں مے پیشاب بزاں مِس ایش کشتاں منی دومی سنگت ءَ مِس ندات پولیس ءَ باز جھد کُت بلئے سنگت پیشاب دیگ ءَ ساڈی نہ اَت سنگت ءَزانتگ ات کہ من ٹارمل وارتگ اگاں پیشاب بدیاں ٹارمل کیت. پرچہ کہ ٹارمل ھونءَ هوار نہ بیت پیشاب ءَ کیت. بلئے سنگت ءَ توکل نہ کُت منا نہ گُشت گوں من ڈارک پیشاپ دات مارا پدا گاڈی ءَ سوار کُت ایش بُرت ایش مارا فون ھم گون اتاں. مہ ڈنءَ سنگت پون کُتاں گُشتاں کہ مارا پولیس ءَ گیپتگ مئے ھون ءُ پیشاپ ھم پہ ٹیسٹ ءِ ھاترا زرتگ انت یے. گُڑاں سنگت ءَ مارا گُشت شُما کہ پیشاپ داتگ نو اللہ وت ھیر بکنت پہ شُما …..
مارا پدا پولیس اسٹیشن ءَآرتے ، هرچ چیزے مارا گون ات سجیں سامان کیسگاں چہ کشت و زرتانتیں.پولیس والایاں مارا یک انچیں کوٹی یے ءَ بُرت بند کُت مہ پدا ڈن نہ دیست مہ نزانت شپ انت یا روچ انت بس بانگءِ آواز اش کت بلئے وشیں گپ اش انت A/cءَ شمبگے پر ات. بلیدهءِگوریچءِ وڈا گوات سرد ات. هرابیں گپ اش ات مئے هئیدے رؤت هئیدے کئیت .مہ سائین یکجاه اتیں مہ سک چرت جنئگ اتیں وت مہ وت موماری هم کنگ اتیں کہ سجیں کار شما هراب کتگاں مرچی سر زندانءَ کپتگ………… پولیس والایےءَ مدام ورگ آرت مارا دات. ھمیشی مہ جُست کُت باریں چئے بوھگءَ انت .مارا دلبڈی داتے کہ ھئیر بیت شُما درکائے مرچی باندہ.من جست کت مرچی چنچو روچیں مارا بندیں .مردکءَ کندگے جت ءُ گشت شمارا سے روچ انت پشتے ماندات شُت . چارومی سُہبءِ سرا مارا پولیس ءَ کوٹیءَ چہ در کُت مہ گل بوتیں کہ مہ نو بازیاب بئیں. چاراں دگہ مردکےءَ هتکڑی گون انت مئے نیما پیداکیں مئے دل کپت. مئے دستءُ پاداناں ھتکڑی جت ایش ما جُست کُت……….پولیسءَ درائینت شُمارا سرکاری وکیلےءِ گورا براں ھما شمُے کیس ءَ ھل کنت.سرکاری وکیل ءَ مارا باز جُست کُت .مہ پسو دات مارا بلئے یک یک ءَ وکیل ءِ گورا پیش اش کت . وکیل ءِ کرا ھم ما سک بزگی پیش کُت وکیل ءَ ھم گُشت انشاءاللہ ھیر بیت. منا وتئی سنگتےءِ گپ یات اتک (سنگتءَ منا مدام گشتگ جمیل گندے عرب قومءَ مدام انشاالله گشت بزاں وتئ ماتءَ…….) مارا وکیل ءَ دلجم کُت شُما باندہ المءَ درکائے بلئے چو نہ گشتے اے ملکءَ شما نشت کنئے یا نہ_ مئے کمو دل وش بوت شپ پدا ھما کمراہءَ گوست سُہب بوت پولیس والا یے اتک گُشی بیا ات ڈنءَ مہ شُتیں ڈن ءَ مارا مئے سامان پدا واپس دیگ بوتاں . مہ گل بوتیں نو پکا در کائیں. چاراں پدا ھتکڑی اتکاں مئے دست ءُ پادانے بستاں دل پدا کپت.پولیسءَ درائینت شُمارا مزنیں جیل ءَ بارت .سنگتےءَ جُست کُت مارا در نکن ئے؟ گُشی مرچی پنچ شمبے انت باندا جمعہ انت ءُ شمبےءَ تک مزنیں زندان ءَ شمارا بند کن انت . اتوار ءَ شُمارا در کناں. مہ سک پریشان اتیں مہ چاریت مئے کار نوں پکا شُتگ مئے ارباب سرپد بباں کہ مہ شراب وارتگ جیل ءَ بندیں مارا الم کارا کشّاں مُلک ءِ مردم مات پت مردم سرپد بباں سک پریشان باں پرچہ کہ درمُلک ءِ بندی بوھگ سک گران انت. ھیر مارا بس ءَ سوار ایش کُت دگہ دو کفن پوشیں عرب ھم گون ات. ھمئے بس ءَ عربانی مڈگ ءِ کیسءِ گپ بوهگ ات مارا گونکو گون اتاں مارا گُشگ بوت ھرکس ءَ کہ پون کن ات بکن ات.منی گوانکوءَ مسکالءِ کدءَ درهم مان ات من سنگتےءَ مسکال دات سنگتءَ پون کُت من گُشت ھمیش انت مارا مزنیں زندان ءَ برگ انت. سنگت ءَ منا گُشت ملکءَ پون کن تئی لوگءِ مردم سک پریشان آں .لوگءِ مردم سرپداں کہ شُما گرگ بوتگے .من گشت پمن بیلنس روان دئے.بزگءَ شاباش انت پمن روان داتے . من لوگ ءَ پون کُت مات ءُ پتءِگون ءَ ھبر کُت مات ءَ را من تسلہ دات من گُشت دو روچ ءَ پد درکایاں. داں جاگہ سر بوت مارا گشتئے نو پوناں بند کنئے . مارا گاڈی ءَ چہ ایر ایش کُت مارا انچو ھتکڑی ءِ کتگ ات. زاناں گشئے مہ بیست مردم کُشتگ یا عربےءِ جنکےءَ گوں سیاهکاریءَ گرگ بوتگیں. مارا مزنیں زندانءِ دروازگءِ دپءَ ایرے کت …..
روان انت