اے بیل ءُ یار ہمک اعتبار ءِ ھون کن انت
آ دل گنوک چی ءَ مھر ءِ رازاں گون کن انت

ستم نہ انت کہ بہ بنت گرگ مۓ پسانی میار
بلے کہ رہزنی ہر رنگ ءَ راہشون کن انت

گوں درد ءِ پلگیں پاہاراں دل نہ رودینتگ
ہما چہ درد ءَ ہزانت زند باریں چون کن انت

ما شر زاناں کہ ردکارانی چی انت بستار
اے جونوار شہیدانی روحاں جون کن انت

صبا ! اے شدت ء، بے رہبندیاں مکن تو کمار
کہ سرمچار پہ مرگ ءَ مڑاہے گون کن انت

” شہید استاد صبا دشتیاری ”