من ءَ مراد نیست نوں دل ءَ۔ چندن ساچ
من ءَ مراد نیست نوں دل ءَ
چندن ساچ
من ءَ مراد نیست نوں دل ءَ
اِے زند کسہے نہ اِنت
کہ سرشپ ءَ دپ ءَ رچوک بہ بیت پہ زہگے ءَ
ملوریں موسمے، تو اتکگ ئے
مئے میتگ ءَ سفر کُتہ
بَلے من نشتگاں۔۔۔۔۔ کہ جمبرے بئیت، حبر کناں
اے تحت ءِ پادگاں بچار کہ ہچ غمی نہ اَنت
اِے کاپر ءِ ملوریں ساہگ ءَ ابیتک ہم نہ بنت، پہ کسے ءَ
بچار۔۔۔۔ کہ اے وڑا اوں زندگی گوزیت گوں مردم ءَ
بچار ۔۔۔۔ کہ ساعتانی چم نہ پرپِٹ اَنت پہ پاد برمشے ءَ
من ءَ مراد نیست نوں دل ءَ
من سبزیں صورتاں چہ لیب پروش وارتگ اَنت
شکستگیں سپاہیاں مگش کہ زندگی بکن
تو اتکگ ئے کہ موسماں بدل کناں؟
منی تہا ہزار موسم اَنت کہ مُرتگ انت
بَلے کبر نہ بوتگ انت۔۔۔۔۔ کہ پُرس ءُ فاتحہ بہ بیت
من ءَ مراد نیست نوں دل ءَ
مئے میتگ ءَ سفر کُتہ۔۔۔۔۔ ءُ اپس ۔۔۔۔۔ کور بوتگ اَنت
تو زہم ءُ اسپراں بُزو۔۔۔ برو