من باز رنداں کپتگاں
من باز رنداں کپتگاں
ابیتکیں جنگل ءِ تہا
وتی شوھاز ءَ بار بار
گوں سستگ ایں سواساں
من دیم پہ میتگ ءَ وتی
روان روان ءَ من سرنہ بوتاں
پاداں درواِتگ اَت بلے
منی دیدگاں مانشانتگ اَت
سیاہ بزیں جمبر ءِ
من سرکپاں چہ بُرزگ ءَ
ھمے دل ءَ من جیڑ اتگ
سربیانت من منزل ءَ
نزانت زندمان ءُ زند
چو دُروآں نیم راھے ءَ
کپاں من کورچاتے ءَ
وارت جون ءَ رستر ءِ
یا بار دنتیں گوات ءِ کیت
بے توار ءُ نرم نرم
کبر ءَ من کہ سربیاں
گوانک جنتیں مردم ءِ
کہ اتکگ ءِ تو چیا ھدا
من شانک داتاں دیدگ اوں ءُ وتی
کہ سمی اَت کسانکیں
منی ودار ءِ ھاترا
نہ کپت ءَ واب کرن ءِ بیت۔۔۔
عائشہ بلوچ