عالم ءَ بلّے شرتگ ءُ طوفّاں
ما کنیں “کوہ ء جودیا” ننگر

گوْنڈواں سیاھیں گردُوے لوٹیت
مکُّران کاڑے نوک جنوزامیں

ما چراغ سہتے ‘گیدیا’ مان ایں
تو وتا سوچ ئے، رژن شوھازئے!

ماھِکان رُمبے ٹیٹِیاں ٹی ٹی
نمبگے بستی کل کُتہ مارا

‘حوثِی یاں” “صنعا” پد جَنگ لوٹیت
“شیبہا” عہدے گوں وتا ساز اِت

گُل منی ھُرد ءُ ھُردُلے باتاں
پلپلانزویے ءَ رضا باتیں

سرپدی ربّ ءِ، حاکم ءِ، عہد ءِ
مں بُمُرتیناں ملکموت گاریں

تو سر ء پیری نیَّتے داشتہ
ماھِکان چاردہ بیا وتا چکّاس

من وتی عہد ءِ بیوسیں ساھگ
تیشگے شاھاں گگّری عادل

لبزانی پژدر۔
1- کوہ ء جودی۔ زنڈیں طوفّان ءَ پد نوحؐ ءِ لانچ ءِ ننگر کنگ ءِ کوہ
2- گیدیا ۔”گیدی” ءَ۔۔۔
3- حوثی (حوتی) یمنی استیں وھد ءِ نامی ئیں جنز ءِ لشکر/
صنعا۔ یمن ءِ زمانگے ءَ دارالخافہ/کیپیٹل بوتگ۔
5- شیبا۔ گوستاک ءِ تاکاں queen sheba/ queen saba ءُ اسلامی گوستاک ءِ ردا بی بی بلقیس (یمن ءِ نامی ئیں حاکمے بوتگ)