شھازکار: رهگوز آسکانی
نمیرانین علامه دادالرحمان قصرقندیءِ زندال{زندگی نامه}اولی بهر

پیدائش

ماں 1309هـ .شءَ، «بگان»ءِ میتگءَ كه چه قصرقندءَ دوكیلومتر دورترإنت، ملا یوسفءِ لوگءَ، ننكے پیداگ بوت كه نام إش دادالرحمان إیركت.إے تبل كه رندءَ نامءُ تواری په مولانا دادالرحمان قصرقندی بوت چه گْونڈیءَ دانائیءُ هژاریءِ نشانگاں آئیءِ پیشانیگءَ سهراإتنت.

وانگءِ بنگیج كنگ

مولانا دادالرحمان، بندری درسانی ماں وتی بوتنجاهءَ مولوی پیرمحمدءِ گْورءَ دربرتءُ په وانگءِ رندگیریءَ هندوستانءَ شت.

اولْ‌سرءَ «پیرجنداءِ سند»ءِ دربرجاهءَ په وانگءَ گلائیش بوتءُ گلستان، بوستان، میزان الصرفءُ صرف میرءِ وانگیانی، مولوی شیخ محمد هیبتی قصرقندیءِ گْورءَ وانت.

إے دربرجاهءِ اقتصادی جاورباز شرنهت.واجه چه آزمانگءَ عجیبیں كسه‌إی آرتءُ پرمائینتی: برے برے شدیگی هنچو مئی سرءَ زورءَ جت كه خشكیں منتگیں دنزگپتگیں نگناں زرتءُ پهك كتءُ وارت إنت. برے درهچانی تاك چتءُ وارتءُ هنچو نزورءُ سست ءَ بوت إنت كه سیه‌دیمگ گپت إنتءُ زمینءِ سرءَ كپت إنت.

«مظهرالعلوم» كراچیءِ دربرجاه

واجه دادالرحمانءَ رند چه دوره مقدماتءِ آسركنگءَ، مظهرالعلوم كڈهءِ دربرجاهءَ شت

كه آزمانگءِ مزنتریں دربرجاه أت. سطحءِ دوره‌ئی اوداں دربرت.

دارالعلومءِ دیوبندءَ روگءُ وانگءِ دربرگ

مظهرالعلومءِ دربرجاهءَ دوره خارجءِ درساں هست أتنت؛ بلے واجهءِ علمی هیناری اوداں نپرشت. گڈا مظهرالعلومی دیم په دارالعلوم دیوبندءَ ویل دات. إے وهدی دارالعلوم دیوبندءَ مزنْ‌شانیں مجاهدیں عالماں چوشكه مزنْ‌مجاهد علامه سید حسین احمد مدنی، شیخ الادب والفقه مولانا اعزازعلی، علوم عقلیهءُ نقلیهءِ شهزانت مولانا ابراهیم بلیاوی ءُ دگه دگه، تدریسءِ پتّرإش سینگارإتگت.

واجهءَ خارجءِ درساں پانگءِ إے شهزانتاں وانتءُ آسركت.

په واجهءِ تیزهۏشیءُ وش‌اخلاقیءِ هاترءَ استاداں گیشتر په آئی‌إش دلگوشءَ كتءُ آئیءَ وت هں په استاداں بازشوقی هست أت.

چه پهكاں گیشتر گوں مولانا حسین احمدمدنیءَ هُبی هست أت. مولانا حسین احمد مدنی آزمانگءَ انگریز استعمارءِ دٻمءَ كه هندوستانی وتی إیردستءَ كتگ أت اوشتاتگ أت.

واجه دادالرحماں همے وهدءَ گوں الكاپیں درجه{رتبه ممتاز}ءَ وانگی دربرتءُ رند چه دربرگءَ گوں مولانا حسین احمد مدنیءَ بیعتی كت.