منیر مومن ءِ لچّہ۔ زندگی ءَ را ھَلک نام ءَ نیست
زندگی ءَ را ھَلک نام ءَ نیست
شائر: منیر مومن
دیگر ءِ وھد ءَ واب پْرشت منی
شائر: منیر مومن
دیگر ءِ وھد ءَ واب پْرشت منی
من کہ چاراں داں کَماشیں مَردے
پاگ ئے کَشتگ ءُ کِرّا اِیرئے کُتگ
لَئیب کَنت تروالاں گوں پادانی
گوں من دِلگوش بیت ءُ چوش گُشیت
“لاگریں اُوست یا سِلاہ کُنٹیں
دُژمِن اَنت ھَردو وتی واھُند ءِ
تو کہ اے راہ ءَ پاد اِیر کُتنت
آبلہ بیت تیوگیں اَرواہ
کینگ ءِ کوہ بیت کرودے سِکیں
زَھرگ ءِ سِنگ آپ بیت ءُ رِچیت
تو مہ پُرس ئے اوں من ترارا گُشاں
زندگی ءَ را ھَلک نام ءَ نیست
سَرگِر اَنت کِشک ءُ سَر جننت مردم”