جیئند سادک ءِ لچّہ : رولھی موتک کنت
رولھی موتک کنت
جیئند سادک
وھدے پریاتاں مئے کلکشان ءِ ھُدا دور ءُ گِستہ بہ بیت
داں کدیناں بہ ننداں بداراں شپ ءَ
چو کُچک ءَ وروکیں بہ بندان ئِے من
چماں شانک بیتگیں چیدگ ءِ رنگ ءُ شوکیں زُبان
چینکدر پُرشتگ اَنت ناچ گوں سُھبتاں
بامسار ءِ سُرانی ابیتکیں زَرگ
چونیں تھنائی ءِ مان پوش ایت مناں
آدمِ شپ تھاریں ھوّسانی رنج
اے دمان ءَ ھوا یے نسیب ءَ مہ بنت ۔ ۔ ۔
مُور ءَ زد اتکگین ئِے توار بس بلیت
مھر کلمانٹی ئیں بس”فقط” جاک کنت
ھالی ئیں درپ جیڑاں بھاراں زر ایت
من اے کوھانی تَرشتیں تْلار ءِ شم ءَ ۔ ۔ ۔
چنچو سسّا ءُ ساچشت پہ وانگ زَر اَنت
چُنت اَرش ءَ چہ ایر کپتگیں لچھاں ،
َاَچ من گِلہ کن اَنت ءُ گِلگ ھر دمان
شَنک پہ بیتگیں سنگرانی سراں
چیزے پشت کپتگیں یات ءُ ادیرہ اَنت
کسے ءِ کندگ اَنت، کسے ءِ سوج ءُ سر
اَچ اے دُرستاں رُدوکیں گُلاب ءِ کمال
باتن ءِ چورہ ئیں مردمے ھاترا
تھنا لبزانک مُرگاناں دنت آجوئی
لچھانی تہ ءِ پُرشتگیں شائراں
گوں من کنت آشنا !!!