ریاز رزا ءِ لچّہ: بنگ مینتگیں شیراں۔
لچّہ۔۔۔۔بنگ مینتگیں شیراں
لچّہ کار: ریاز رزا
لچّہ کار: ریاز رزا
گوپت انت جلکاں استین
آپ ءِ رنگ ءَ بنی آدم کوراں سر رچان بوتنت
نود توکلی بوت ءُ
ترمپ سموئیں مھلب
دمک میس اتنت انچو
چم شِتِرت ،نہال بوتنت
سوت گونڈواں زرت ءُ لوگ لوگ ءَ بھر کرت انت
سنج ،ساداں تاپہ ایں ایر گپت ءُ پیژگاھاں
بست انت سرپچیں کاپر
دل کدینتگیں نوبت چیکو ءِ سرا چنڈینت
کوش ءِ دامن ءَ ٹہکے بست ءُ جنگل ءَ یل دات
لیب زرت ءُ ملما کت
دور ، من چہ گونڈواں نشت ءُ ھیل کت گوازی
واباں مے چراگانی شھم دوتک انت آستونک ءِ
مانپوش اتنت دیوال
شے مرید درایان ءُ دیم پہ مکہ ءَ رپت انت
ما ھمودا کنڈے ءَ نشت ءُ میتگ ءِ راڈئِےِ
زرت ٹھینت سریچکے یک
لیبجا ءَ اوشتارینت