زھرگ ءَ آپیناں کُجا ، بادیناں کُجا۔ مجید عاجز
دستونک ۔۔۔ مجید عاجز
زھرگ ءَ آپیناں کُجا ، بادیناں کُجا
تو اگاں بْیائے ، من ترا نادیناں کُجا
ھردیں کہ کونجاں پہ خراسان ءَ مئیل بیت
آزگاں درمان کن اَنت کادیناں کُجا
گار ماں بالیچاھیں زیدانی زینتاں
دَر جَناں دیدوکاں ھدا دادیناں کُجا
سِرتگیں بانجی اَنت دل ءَ ڈَکّوکیں مَلار
اے نوادوکیں نوبتاں وادیناں کُجا
آزگیں دل کہ شنزگاں نودانی کُدیت
سارت بیت امبازاں پنیر بادیناں کُجا
کپتگاں بے سُدّیں پَد ءُ رنداں عاجز ءِ
جیڑھاں گیشّاں بے سَر ءُ پادیناں کُجا