وش رواجیں اے وھد ءِ اوں سر گْوات کنت
دستونک
شائر: منیر مومن
وش رواجیں اے وھد ءِ اوں سر گْوات کنت
انچیں جاھے ترا مردمے یات کنت
پُل جیڑانت وتی آسر ءَ گیمر انت
پتو سھب ءِ بدن آس ءَ ماندات کنت
وھد ءِ رپتار ءَ بادینت لڈگ تئی
بالی مرگے پہ تو سَھتے اوشتات کنت
مِھلبیں دروتے گْوات ءِ سر ءَ ایر کنت
موسم ءَ را چڑکایے رد دات کنگ
روچے زیبائی پچ کنت وتی دیدگاں
درچکاں بندیگیں یک یک ءَ آزات کنت
من ھمود ءَ منیر شئیر ءَ سرجم کناں
زندگی کسھے نوکیں بندات کنت