دستونک
شائر: عالم سیف

بینگءَ زھر جتہ مُرگاں دی آزار کتہ
ما تئی لڈّگءَ بازار دو بازار کتہ

تو منی ھستیءِ گویاکءَ مہ بند گوں درداں
پہ تئی ھاترا ڈکّیں دلے آبشار کتہ

کّدءِ وت جیڑ اِتہ انسانءِ گیابیں زندان
بھتءِ مُرواردءَ ہر شخص گرپتار کتہ

تئی ھبر ماہءَ زمینءَ تو بیارئے من گُڑاں
کایاں دریائیں دلے قولےءَ بے وار کتہ

رنج اِتہ شِھم سریگءِ تئی،ھمے پیمءَ اے دل
سرشپءَ نُور کتہ،روچءَ ما استار کتہ

نوکیں سرھال دگہ شاعریءَ اتک نہ کنت
تو گنوکے ئے گنوک،تو منءَ بے سار کتہ

چینکدر دُور ھیالانی مساپر رپت اَنت
تئی پکیراں اے جھاں بینگ ءُ آتار کتہ