مشکن ناول ءِ بنجاہی کارست (protagonist) اِنت۔ ایشی ءِ سرجمیں نام اِیش اِنت۔
Lyov nikolayevitch Myshkin.

نُوں ادا اولی نام واجہ ءِ جندے نام اِنت کہ پت ءُ مات ءَ پِر کتگ۔ دومی بزاں nikolayevitch ءِ معنا ہمیش اِنت کہ نکولائی ءِ چُک( son of nikolai) ءُ گُڈی نام آئی ءِ کھول( قبیلہ یا تمن) ءِ نام اِنت۔۔۔۔۔
روس ءَ اگں تو کسے ءَ را عزت دئیگ لوٹئے گڑا آئی ءَ را آئی ءِ اولی نام ءُ دومی نام ءَ توار پر بجن۔۔۔۔۔ مشکن ءَ بُگُش ۔ lyove nikolayevitch بزاں تو مرد ءَ را شرپ شکسات۔

روسی جنینانی نام ہم ہمے پیم اَنت بس کمّے فرق است۔
چہ ایڈیٹ ءِ دگہ یک کردارے پہ درور دیاں ،
کہ کردار یک زیبائیں جنینے۔
جنین ءِ نام Nastasya filippovna Barashkova اِنت
نُوں اِدا nastasya آئی ءِ جندئے نام اِنت Filippovna ءِ مطلب فلف ءِ چُک (daughter of filipp)
ءُ barashkova آئی ءِ ذات ءُ کھولے نام اِنت۔

مردین چُک ءَ پہ (vitch) کارمرز بیت ءُ جنین چُک ءَ پہ(ovna)

اگں مبارک قاضی ءِ نام ءَ کسے روسی ءَ نبشتہ بکنت داں چُش کنت ے۔

Mubarek Amanuallahvitch Qazi.
بزاں مبارک۔۔۔ امان اللہ ءِ بچ۔۔۔ قاضی

Mubarek Amanuallah(vitch) Qazi

اگں (یک جنینی نامے پہ درور زوراں) سیما نور بلوچ ءَ کسے روسی ءَ نبشتہ بکنت داں چُش کنت ے۔
Seema Nurovna Baloch

بزاں سیما۔۔۔۔ نور ءِ چُک ۔۔۔۔ بلوچ

Seema nur(ovna) Baloch

اِے درمیان ءِ نام ءَ انگریزی ءَ patronymic گُشنت۔

بلے روسی ناولانی توکا گیشتر گڈی نام گرگ بیت یا بنداتی، روس ءِ نام وش اَنت بس ہمے patronymic نام کمے بِرّ کنت۔

شھاب اَکرم