دنیا ءَ مھر ءُ دوستی ءُ واھگ بھا کُتگ
دستونک
ھمّل شوھاز
ھمّل شوھاز
دنیا ءَ مھر ءُ دوستی ءُ واھگ بھا کُتگ
ما بس ترار ءَ زُرتگ ءُ چم ءِ تھا کُتگ
ھور ءَ چہ رند بیا کہ مُھبت ھوّس کنت
ھور ءَ چہ پیش یاد ترا مُوسم ءَ کُتگ
ما پہ بچّلیں لاپ ءَ زِری زِر سپر کُتگ
گوں ما ھُدا ءُ آدم ءَ ھر دو دَگا کُتگ
یا تو نہ زان ئے مھر یا من گنوکے آں
تئی پیمیں بے وپایے گوں ما وپا کُتگ
رہنیں زبان ئِے مُوکیت ءُ دشتارے بکش اِتگ
شے ءَ وتی بلوچی ءِ ھکّے اَد ءَ کُتگ
ھر کس منا ءَ بگندیت تئی ترانگ ءَ کپیت
تئی دوری ءَ من ءَ ھمے پیم ءُ وڑ ءَ کُتگ
آ روچ انگت ءَ منی چمّانی چیدگ اِنت
آ روچ ھمّلؔ ءَ منی دنیا یل ءَ کُتگ
2 / 6/ 2006
ایران