خلیل جبران
رجانک

روخیں حرف

زیند چے ایں؟ ہمے است و گوئست و بانداثیں؟۔ہمے گوئست کہ بے رندیں؟ ہمے است کہ گوئستئے رندانی شوہازا ایں؟ ہمے بانداث کہ بی٘د شہ است و گوئستی٘ا بے معناایں۔

مئے دلئے خوشی ،مئے ارواہئے غم ،کل رونت ماں مُژاں گار بنت؟

اگاں شمئے خیالا زندگی ہمیشیں تہ ای٘رنگا نہ ایں۔ زندگی زندگیئے حقیقتیں۔ زندگی آنہیں کہ شہ ماث لافا شروع بیث نہ گوں موتا جہیث۔

اے ماہ و سال انڑکئیلیں وختئے یہ ساعتی٘ا شہ گی٘ش نینت۔

اے دنیاوی زیند یہ وھابے کہ ہاغہ بیئغا گوں پرشیث۔اے ہاغہیا ما تُڑسینوکیں موت گشوں۔

اے یَہ ای٘رنگیں وھابے کہ ایشی نیاما دیثغیں ہرشئے و کثغیں ہرکار مانیث دانکو ھُذا مانیث۔

چاگرد ہر شئہا وثی دامنا بیڑیث داریث ۔مئے دفا شہ درکفتغیں بشکندگاں دہ ۔مئے دلا شہ درکفتغیں اُفاراں دہ۔

چُکغئے ہر توار کہ آنہی بُنزہ مہریں سانبھژیغ و ایر بیئغیں۔

فرشتغ آں انڑسانی ھسابا دارغنت کہ مئے چمّاں شہ غمانی سببا رشان کننت۔
آں سوتاں دہ رولیں ارواہاں اشکنائینغنت کہ مئے اندری خوشیانی پیداشنت۔

آؤخیں زیندا ما وثی دلئے ہرجنبش، وثی جزبہانی ہر لہر گِندوں۔اوذا ما وثی کُزرت پجہ کاروں کہ ایذا ما وثی ناامیدی سببا کمتر زانونی۔

گمراہی کہ ما مروشی کمزوری لیکونی بانگہا مئے زیندئے زنجیرئے یہ کڑی یے بیث زاہر بیث ۔اے پھ انسانی زیندئے پیلویا زروری ایں۔

جُہدا کہ ما مروشی کنغوں گوں ما زیندغ سرکیث و رندا مئے عزت و شرفئے سبب جڑیث۔

ویلاں کہ ما مروشی گِندغوں، بانگہا، مئے فکر سرا تاج بنت ایر بنت۔

وش الہانیں شائر کیٹس اگاں سئی بثیں کہ آنہیئے سَوت مدام مخلوکئے دلا حُسن و زیبائیا گوں مہر و مھبت پیدا کنان سرکاینت تہ
آنہیا گوئشت،” مئیں گور چکّا نویسے بِلّے۔۔!

“ایذا آں مڑدئے ھڈ پورثغاینت کہ آنہیئے نام آزمان دیما گوں روخیں حرفاں نویسثغاایں۔”